此文章的分類: 文章存庫, 5) 攝影隨筆, 多元文化, 攝影隨筆
所謂紅圈金圈，即是指 Canon 和 Nikon 的貴價 (或稱專業級) 鏡頭。最近網上從內地流傳了一輯照片，就是一群內地小學生拿著單反配著貴價鏡頭在拍攝，看情況似是旅行或文化考察之類，引起了一陣討論。
當然，我們可以直接說︰「他們有錢嘛、內地人嘛、富二代嘛、暴發戶嘛、貧富懸殊嘛、一班小孩子搶高價錢嘛、攝影不等於器材嘛……(下刪一千字)」雖然也許都有其道理，不過我還是認為有點過於簡化，畢竟我們都知道，有錢不等於一定會買貴東西，在「有錢買」與「決定買」之間還是有不少討論空間。「你會給小學生買紅圈金圈嗎？」這個間題並非完全取決於我們是否富有。
上一次類似的廣泛討論，我記得就是剛剛 iPhone 興起的時候 (三、四年前吧)，很多父母都在討論︰「我們應該買 iPhone 給孩子嗎？」這是個有趣的問題，因為「智能電話」幾乎就等於電腦，不單功能強大 (一樣可以上色情網站)，而且價格高昂，中小學生被人搶 iPhone 亦非新聞。不過到了今天，我對於有中學生甚至小學生拿著 iPhone 4S、Galaxy SIII 都已經見怪不怪。
雖然有點 Out，但其實「應該買 iPhone 給孩子嗎？」依然應該是一個問題，因為其實我們都知道，一個人並不需要「過於強大的工具」，例如你不會買一架即用即棄私人飛機來去一趟深圳書城。更進一步，我也遇過一些家境真的非常富裕的孩子，但是他們家人不單讓他用「普通人家」的東西，孩子本身也非常節儉，應用則用，應慳則慳，這種孩子我們怎樣評論的？有家教，有修養。
且慢，別太快結論「內地人就是欠修養」。
因為我們從何去理解「紅圈鏡」就是「過於強大」呢？我們普遍有種感覺，就是「能力到了進階級，才應該買進階機」，不少人覺得「配得上紅圈的技術才好用紅圈」，是不是這樣呢？與此同時，我們卻說「攝影並非取決器材」、「器材並無高低之分」，那不正是與前一句自相矛盾嗎？為甚麼我們會覺得不太安樂，為甚麼還是有這麼多人盲目追捧不需要的器材，因為歸根究柢，我們還是覺得「器材要配得上身份」，所以小孩拿紅圈就格外受人注目，也因此很多人夢著拿長炮來自我感覺良好。
其實在香港，相對於供樓，紅圈鏡也實在不是甚麼東西 (苦笑)，一兩萬港元，很多人根本都買得起，只是我們不捨得買。如果有一天，Canon 只生產紅圈鏡頭，Nikon 也不再出 1855，我們不也一樣會直接買紅圈金圈嗎？恆定光圈 2.8 很好，也沒好到會發射上太空，時代正在改變，well，我覺得比較實在的問題是，孩子拿單反要注意別被搶就好，太大部了，無反可能好一點。(NEX7？)
可能說到底，買不買單反始終又回到「有沒有錢」的問題，但要如何不抱偏見，要如何對於昂貴的工具保持平常心，還是我們都應該學的功課。
圖片來源︰人人網
其實有乜問題？人地有錢人地既事，自己知自己做緊乜就得。仲有呢幾句「如果有一天，Canon 只生產紅圈鏡頭，Nikon 也不再出 1855，我們不也一樣會直接買紅圈金圈嗎？」，我完全唔知你係乜邏輯囉。一來廠家無可能唔出 kit 鏡，根本唔可能發生既野唔明你假設黎做乜，二來我當真係會發生，點解我一定要買紅金圈鏡？我玩返 DC 仔唔得架？！
我都冇話佢地有乜問題，我係回應緊一d 坊間既討論
正正好多人簡化左成個現象
就好似當年d 人簡化左「小學生有iphone」呢個情況
> 廠家無可能唔出 kit 鏡
點解無可能？kit 鏡變晒紅圈鏡有咩問題？技術提高、成本下跌係必然趨勢
當年256mb ram 今日黎講幾乎冇用，同樣道理，恆定光圈變 kit 鏡有何問題？
你可以玩dc，甚至你可以玩針孔
但已經唔係呢篇文章既討論主題
現今金紅圈等於奢侈品,呢樣唔使拗,將來會唔會 DOWNGRADE 變成 KIT 鏡無人知，而你呢篇文既用意係想探討家長應唔應該買奢侈品俾小朋友，咁我諗你用返奢侈品呢個詞語好 D 囉。你而家個邏輯等於話如果世界上無晒平價車,咁我地就要買 BENZ 喇，你自己諗諗有無問題。
從何講起紅圈係咪奢侈品呢？你睇下其他人，例如FACEBOOK d 人既留言，或者其他網站，有人覺得係，有人覺得唔係，「奢侈品」呢個詞語概同定義係會不斷變化，而科技進步亦會令好多本來既奢侈品，慢慢變成日用品，今日正正係過渡階段，單單以紅圈金圈黎判斷d 小朋友有冇問題，就係簡化問題，呢個亦係呢篇文既主旨。
由頭到尾我只係唔明我引用你o個幾句野你邏輯係邊！點解無 kit 鏡就要買紅圈金圈，而唔係轉玩 DC、用手機影或索性放棄影相！轉紅圈金圈只係你一己想法，你唔好講到好似個個都會玩紅圈金圈咁啦。再者，我亦唔明單單幾張小朋友用單反既相，或者網民點睇呢幾張相，有乜野值得反思，重點係兩者都唔關我事，人地買乜，外人點睇佢地買乜，真係有野值得深思嗎？
因為對象係講緊一班用數碼單反既小朋友，所以要類比就係講返成年人既單反用家，如果唔係拎針孔、寶麗來、甚至素描出黎講都冇咩意義，反正重點正正係講紅圈又如何。
唔明有咩反思冇所謂，唔同人有唔同感受，或者你可以去睇下其他人既reply，好多網站同論壇都有講呢樣野，睇完可能你能夠理解多d。